بسم الله الرحمن الرحيم
في البدايه احب اشكر الاخوان @xFai9al @iAmbiguity من تويتر لانهم ساعدوني في رفع الصور
اليوم راح استعرض جهاز الجلكسي تاب 10.1 انش والي طلبته من موقع امازون الامريكي وكلفني ٦٠٠ دولار امريكي لحجم ٣٢ قيقا بايت
الجهاز طبعا يعمل بقرص العسل الاصدار الجديد 3.1 لكنه خالي من ال touch wiz الخاصه بسامسونج والي عرفته انه راح تنزل من خلال تحديث مستقبلي
سرعه الجهاز رائعه و الشاشه نقاوتها ممتازه طبعا ليست مثل نقاوة الجلكسي اس تو لكنها رائعه
الكامره الخلفيه للجهاز ليس بالمستوى المطلوب وهي 3 ميقا بكسل
اما الكامره الامامية لا اعلم عن معلوماتها لكنها سيئه
الشي الي بهرني بالجهاز والي الكل يعرفه خفة الجهاز ووزنه
صراحه وزن خيالي وما اثر على خامة الجهاز بالعكس الجهاز تحس بفخامته وتحس انك حاط فلوسك في جهاز راقي
وطبعا الجهاز عباره عن 10.1 انش والي انا اعتبرها مناسبه جدا لقرص العسل واستخدامه والحوسه فيه
و طبعا الشي المؤسف ان الجهاز يحتوي على واي فاي فقط وليس ثري جي
كما ان الجهاز يدعم العربيه قراءه وكتابه ومحاذاة وليس تعريب قوائم كما ان الشيء الي اعتبره بايخ من سامسونج ان الجهاز لا يشتمل على منفذ sd card. ولهالسبب شريت الجهاز بحجم ذاكره 32 قيقا بايت
سماعات الجهاز جيده جدا بالنسبه لي و الجهاز يحتوي على سماعتين وحده باليمين ووحده باليسار
حبيت اذكر بان الجهاز شريته من امازون نفسهم وليس بائع اخر لكن صدمني الكرتون يوم استلمت الجهاز لقيته اي كلام وكان مفتوح طبعا اقصد كرتون الشحن وليس كرتون الجهاز لدرجه اني خفت ان جهازي يكون خربان من سوء البكج
هذا حاليا الي في بالي والي عنده اي سؤال او استفسار انا بالخدمه
وهذي بيانات الجهاز كامله
Product Features
Android Honeycomb 3.1
Dual Core Tegra 2 processor, 1GB RAM
Wi-FiTM, 802.11 a/b/g/n 2.4GHz, 5GHz
Memory Capacity: 32GB
Display: 10.1″ WXGA (1280×800)
Processor, Memory, and Motherboard
Number of Processors: 1
Hard Drive
Size: 32 GB
Cases and Expandability
Size (LWH): 0.34 inches, 6.9 inches, 10.1 inches
Weight: 1.25 pounds
Related Posts via Categories
Ambiguity
ما شاء الله خوش ريفيو
تسلمين حبووبه وما قصرتي ياريت اتحطين لنك البائع اذا حاب احد يشتري
وجم يوم يالله وصلج الجهاز ؟؟
ويعطييج الف عافيه
madeinq8
هلا و غلا
الجهاز شريته من امازون نفسه كبائع و الجهاز طلبته يوم الاثنين و استلمته الاثنين الي بعده
هورنت
الف الف مبروك
ان شاء الله ينكسر بالعافية
هل يحتوي على كيبورد عربي ولا يتم وضع كيبورد خارجي ؟
madeinq8
الله يبارك فيك و يعافيك .. الجهاز بدون كيبورد عربي لكن نزلت عليه سمارت كيبورد واستخدامه ممتاز
هورنت
اها وصلت الفكرة
من جديد الله يبارك لك بالجهاز
madeinq8
حاظرين استاذنا و حياك الله
la5tawena
فيه ماركت من سامسونج خاص للاجهزه اللوحيه .. والماركت الرسمي في تصنيف حق البرامج اللوحيه .. وشلون على الشاشه ؟ كل البرامج تشتغل بكامل الشاشه ..
وشي ثاني .. شنو هي الفروقات الكبيره بينه وبين الموتريلا
زوم ، لو عندج خبر يعني ..
والف الف مبروك مره ثانيه .. والله يعطيج العافيه
madeinq8
الماركت مال سامسونج نفس الي بالتاب القديم واعتبره فاشل لانه مافيه الا جم برنامج وموجودين بالماركت اما الماركت العادي فهو نفس القديم بس ابتصميم احلى وموجود بكل الاجهزه
madeinq8
وبالنسبه للموترولا زوم و الله ماعندي خبر لان الجهاز ما جربته للاسف
SweetTooth
مشكوره على الاستعراض نقاط ودي اوقف عليها
١- عندي الايباد ، وللامانه عطاني انطباع ان مفهوم التابلت ماله اهميه او مو لاقي نفسه بحياتنا بين اللابتوب والفون لعده اسباب:
اولا : نظامه ( ايبود كبير ). دعم البرامج خليه برا الموضوع
ثانيا : شحن الايباد عندي ياااااااااخذ وقت كبيييييييييييير ولما يفضى الباتري اتذكر هالشي تنسد نفسي وما اشحنه.
فا اللي بوصله :
هل قرص العسل كنظام بعيييييييييد عن دعم البرامج يعطي المستخدم متعه ويحسسه انه يتعامل مع desktop بس باللمس ؟
وهل البطاريه تشحن سريع ؟
وشكراً
madeinq8
يا هلا ومرحبا واسمحلي تاخرت بالرد
في البدايه صحيح الايباد عباره عن ايفون كبير ولهالشي انا اعتبر كل اصداراته متشابهه ماكو فرق اما الشحن فهو يطول و هالشي طبيعي لان حجم البطاريه كبير يعني تخيل جنك تشحن تليفون عادي ٣ او ٤ مرات و هالشي تقريبا مشترك بكل الاجهزه اللوحية
بالنسبه لي اعتبر قرص العسل او اي اصدار اندرويد اخر يعطيني نفس ما يعطيني الكمبيوتر
اقدر انزل عليه افلام صور مستندات طبعا من الجهاز نفسه بدون مساعدة كمبيوتر مثل الايباد اما شحن البطاريه ما حسبته بالظبط بس تقريبا ٣ ساعات لو تبيها فل تشتغل معاك ٩ ساعات
اتمنى اكون وصلت الفكره و تحت امرك باس استفسار اخر
SweetTooth
بالنهايه :
كمستخدمه للنظامين/ شنو النظام الافضل للتابلت بالنسبه لج حالياً؟ (بعيد عن البرامج).
وتنصحيني اغير الايباد بالتاب؟
madeinq8
بالنسبه لي اعتبر الايباد فقط جهاز للالعاب اما التابات الي بنظام الاندرويد اكثر عمليه وتلبي احتياجاتي بس العيب فيه قلة الالعاب
يعني بالنهايه انصح بالاندرويد
group38
تقرير مشجع بس باقي نعرف إجمالي سعر الشحن وعلى اي شركه
وأخذتي معاه كفر حمايه
لاني احب أجهز الدوا قبل الفلعه
madeinq8
اشكرك عالمرور وبالنسبه للشحن كلفني من صندوقي في امريكا لين الكويت من خلال الدي اج ال ٩ دنانير وخرده وكان حظي حلو ما دفعوني جمرك
وبالنسبه للكفر اخذت معاه انا هم احب ازهب الدوا لوول كفر عادي جلد اسود كلفني ٢٥ دولار مبينه صورته بوحده من الصور بالبلوق واذا تبي كفرات حلوه موقع ايباي تلقا فيهم تشكيله احلى واكبر بس احرص انك تختار بائع ثقة
وتحياتي
davis
بس للعلم كاميرا الآيباد الخلفية والأمامية أردى بكثير من كاميرا الجالكسي تاب 10.1. مع إن الجهازين كاميراتهم ليست بالمستوى المتوقع. ربما السبب لأن صانعي الجهازين لا يعتقدون باستخدام مثل هذه الأجهزة للتصوير وفضلوا التوفير بالسعر على حساب مواصفات الكامرة.
madeinq8
فعلا كلامك صحيح الكامره رديئة بالايباد لكنها بالجلكسي ماشي حالها خصوصا بالتصوير الخارجي الصبح لكن عموما انا نظريتي الجهاز الكفي لا يصلح للتصوير ووجود الكامره فيه مثل عدمه
davis
للعلم أيضا: البضائع التاليه ليس عليها جمرك:
1. الموبايلات.
2.الكمبيوترات واللابتوبات.
3. الآيباد والأجهزة اللوحية لأنهم يعتبرونها كمبيوترات (الآيبود لا يعتبر من الأجهزة اللوحية ولذلك عليه جمارك).
4. أي بضاعة أقل من 100 دولار.
madeinq8
والله يا عزيزي الجمارك بالكويت عالمزاج انا دفعوني ٦ دنانير ونص على كفر الجلكسي الي كتبت عنه بالبلوق والشحن كان مو عن طريق فورورد ميل كان على عنوان البيت مباشره يعني شوف يدفعوني جمرك عالكفر وما ادفع جمرك على جهاز لوحي جمارك الكويت مزااااج
noufa
عليج بالعافية.. بس حبيت اسال..
شلون طريقة الاشتراك بالانترنت فيه ؟؟؟
madeinq8
الله يعافيج ويخليج… طريقة النت فيه وايرلس فقط
noufa
غير الوايرلس !! مايشبك اب كرت من شركات الاتصالات ؟؟؟
madeinq8
راح ينزلون نسخ ثري جي بس الحين واي فاي بس
noufa
مشكورة حبيبتي ماتقصرين
محتاج جالكسي تاب
الحين الجالكسي تاب لو بغيت احمل من غير الماركت اقدر يعني زي الايباد ما اقدر احمل ملف او اي شي من السفاري الا من الاب ستور فهل جالكسي زيه او لا
madeinq8
تقدرين تحملين من غير الماركت مو نفس الايفون هذا اسلس من هالناحية
محتاج جالكسي تاب
طيب انا انشاء الله قررت اشتريه بأذن الله
هل لازم نسوي روت لاني مو مرتاحة له احس انه بيجيب بلاوي للجهاز
وهل الجهاز تحسين انه قوي يتحمل الصدمات او تحسين انه صناعته ضعيفه
واسفه على كثرة الاسئله
madeinq8
لا ابدا مو لازم والف مبروك مقدما
مارديناوارس
الحين يقولون نزل اللون الابيض الكامل هل هذا صحيح
وهل تعتقدين انه احسن من الايباد من وجهة نظرك.
للعلم انا احتاجه للتصفح والبرامج
madeinq8
الحين نزل الجديد جلكسي نوت حجم ١٠.١
انصح فيه جدا
لكن العيب الوحيد من وجهة نظري الحجم احسه كبير بزياده
مارديناوارس
يعني تنصحيني فيه انا ابيه للتصفح واحتاجه في العمل يعني ارسال بريد
او مدري عن المدير بس قال جيبوا جهاز تابلت
مارديناوارس
يعني تنصحيني فيه انا ابيه للتصفح واحتاجه في العمل يعني ارسال بريد
او تانقوا اذا فيه هذا البرنامج عشان نكون على اتصال مع العملاء فشنو يصلح اكثر
madeinq8
انا شخصيا ما جربتالتانقو بس اظن هالتطبيق موجود للاندرويد
لو ما يهمك الحجم انر ال ١٠.١ الجديد بينزل هالفتره او نزل مادري
لو تبي حجم اصغر انصحك بال ٧.٧ استخدمه حاليا لكن للاسف ما نزله تحديث للايس كريم إلى الآن
وبالنسبه للبريد افضل برامج بريد هي عند ابل يعني يفيدك الايباد او الايفون احسن
مارديناوارس
اهااا شكراً جزيلاً.
انا عجبني الايباد في البريد
بس ابل مقيده اجهزتهم حتى التحميل من سفاري مايحمل الا من الستور
عشان كذذا احتمال مايصلح بس الجالكسي الي معاج الحين في بريد او لا لانه في ناس يقولون فيه وفي ناس يقولون انتظر الين ينزل النوت ١٠.١
وعذراً وهذا انشاء الله اخر سؤال ادري اني مزعج
ستارمي
فيه ناس يقولون لازم تحمل الفلاش هل هذا صحيح
ولو بغيت احمل ملف و برنامج من اويب يحمل بدون مشاكل
وتنصحيني في الابيض ام الون الاخر
madeinq8
دي الفلاش موجود بالماركت ومجاني وغالبا يكون مدمج بالجهاز الموضوع جدا سهل .. وبالنسبة للون هذي حرية شخصية شخصيا اختار اللون الأبيض وبالنهاية كل واحد وذوقه
اي مازووون
طيب
اي مازووون
رحت لفروع تبيع الاجهزه قالوا لي انه الجهاز نوت١٠.١ بينزل بعد تقريباً ٦شهور وانا ابي التاب بسرعه تنصحيني باللي معك او انتظر النوت١٠.١. وشنو ايجابيته
madeinq8
اذا مستعجل اخذ تاب ٧.٧
اي مازووون
طيب شنو هو الي اقوى الي من ورا اعتقد رصاصي او الابيض